loading...
أخبار عاجلة
الرئيسية / شاشة الشوارع / موقع كود يشن حربا مشبوهة ضد صورتلاميذ يجسدون الصلاة عمليا في الفصل الدراسي

موقع كود يشن حربا مشبوهة ضد صورتلاميذ يجسدون الصلاة عمليا في الفصل الدراسي

ما يجهله موقع الكود عن حصص مكونات التربية الاسلامية ان موضوع الصلوات الخمس المدرجة في العبادات ان الوزارة الوصية على قطاع التعليم تفرض منهجية خاصة في كيفية تدريس الصلاة نظريا و عمليا.

الى ذلك يسمح للمدرس بتجسيد الصلوات الخمس عمليا امام التلاميذ بدون ضجة مغتعلة.لا ادافع عن نشر صور من داخل الفصل الدراسي كيفما كانت طبيعتها ،فمن الملاحظ ان المدرس المغربي من الموظف الذي يفشي سر عمله في المقاهي و الحانات و في الاماكن العمومية،على خلاف الموظف في الصحة و البنك و البريد و غيرها…..و اصبحت كلمة استاذ مبتذلة عند البقال و الخضارو سائق الطاكسي ……

ان يشن موقع كود حربا عشواء بنشر مواضيع دفعة واحدة تحرض المسؤولين على معاقبة ناشرة صور لتلاميذ يؤدون الصلاة داخل القسم يدل على الحقد الدفين للمدرس و رسالتهلاالنبيلة ،كان المغرب بلد علماني و في مرحلة متطورة من نظام شيوعي حسم في الدين و السلطة و السياسة…..

و نترك للقارئ التعليق على مقال لموقع كود تحت عنوان :

“واش حنا كنصيفطو ولادنا يقراو ولا يتعلمو يركعو و يتفركعو؟”

 

معلمة من تاونات دارت بوسط ففايسبوك فين مصورة براهش (معلوم بلا الموافقة ديال واليديهوم) كيصليو فالقسم و كتطلب من الناس ينصحوها ويقولو لها واش يمكنلها تصلي بيهوم فالقسم واخا هي مرا وطبعا فالمنشور كتفتاخر براسها حيت علماتهوم يصليو وولاو كينوضو يتوضاو بوحدهوم وياخدو وقت من الحصة باش يأديو “الواجب الديني” ديالهوم.
هادي، فدولة خرا، فبلاصة خرا، فعالم خور غادي اما يدعيوها الوالدين ديال التلاميذ وتدوز من مجلس تأديبي وماتبقاش كتقري ولا يشدوها فشي سبيطار يعاودو ليها فيه التركيبة.

اااااايه، حنا دولة مسلمة ( فيها واحد 100 يهودي وسي ازولاي وشي لاخور كامل مسلم صحة على دينمو)، و كيحكمنا أمير المؤمنين، وعندنا اللأذان فودنينا كل جوج دقايق، والجمعة الإدارات كتوقف حيت تبارك الله كولشي مومن كيمشي ياكول سكسو(فالمغرب سكسو ركن من أركان الإسلام) ولكن هادشي مكيعنيش بلي غادي نردو المدرسة مسيد والقسم جامع. راه عندنا بحال كاع الدول لي مكتحتارمش راسها مادة كنكلخو بها الجيل الصاعد سميتها التربية الإسلامية، خارج هاد الحصة مخاصش كاع تكون الهدرة ولا النقاش على الدين. حيت لما درناش بحال هكا غيوليو عندنا اقسام عبارة عن مشاريع قنابل 2027 وأخطر حاجة هي دعششة التعليم حيت غتعطينا مواطن مدعشش ومن بعد أسرة مدعششة ومن بعد بلاد على قدها تابعة لداعش.

باش نكونو متفاهمين وماتلصقولناش التيكيت ديال صهايينة، ماسونيين باغيين ينشرو الفساد فالبلاد، راه الإشكال ماشي غي فالصلاة بحد ذاتها، كون كانت هاد السيدة علماتهوم يشطحو الصامبا فالحصة ديالها كنا غنستنكرو بنفس الحدة حيت المشكل هنا هو تاخد وقت من التعليم ديال التلميذ لشي مادة معينة وتضيعوليه فحاجة خرا. حنا التعليم ديالنا مسكين ديجا فالحضيض و المقرر ديالنا مزفت، مخور وعاد نزيدو نقصو منو؟ شنو غيبقا؟

المغرب ديما مكلاصي فالقاع ديال التصنيفات العالمية فما يخص التعليم واليد العاملة الكفوؤة حيت معندناش شباب مؤهليين باش يدخلو سوق الشغل. عادي، كبغيتي واحد كيدخل يقرا كتقوليه الأستاذة نوض توضى باش تصلي وخاصك تدير هاد العملية كل نهار يطفرو. تخيلو معايا لا كاع الأساتدة كان عندهوم نفس الخرا فالدماغ ويديرو بحالها؟ فقاش غيقرا البرهوش؟ فقاش غنعطيوه الإمكانيات باش يواجه الحياة وينجح فيها؟ واش فالأونتروتيان ديال الخدمة غيسولوه شحال من ركعة كاينة فالظهور وشحال من مرة خاص تمضمض؟

الحل واضح، خاص كل أستاذ يدير خدمتو، يعني يقري التخصص والمادة ديالو من لبدو د الحصة حتى لتالي ديالها (راه العمل عبادة وفيه اجر عظيم) وكاع لكنتي فايت فيك الفوت ومتدين بزايد، فاش يجي وقت الاستراحة انصح تلامذتك بالتوجه لمسجد المدرسة ﻷداء “الفريضة” الله يعفو عليك.انتهى المقال….

 

 

عن صحافتنا

شاهد أيضاً

كشف الفنان المغربي أحمد السنوسي، الملقب ” بزيز ” عن تلقيه لاستدعاء من طرف ولاية أمن الدار البيضاء ، للمثول أمام الفرقة الولائية الجنائية

كشف الفنان المغربي أحمد السنوسي، الملقب ” بزيز ” عن تلقيه لاستدعاء من طرف ولاية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

loading...